Discografía

Paco Cerdeira, ou Pakolas, nome co que se presenta ante o público infantil, da título ao seu primeiro librodisco en solitario.  “Cancións para rockear, para soñar, para non parar de mover o esqueleto e tamén sobre todo, para aprender” . Chega con este novo traballo cantando e contando historias de  animais que serán os protagonistas de moitos historias fantásticas, “Mero o baldomero”, “Xabarín con bombín”, “O Furafollas”, “A Quenlla Madrugadora” , o pato “Mc Pac”, “Arroaz” entre outros.

Pakolas
Libro-CD “Pakolas”. Galaxia (Nov. 2017) e Colexio de Logopedas de Galicia.

Editado por Galaxia na súa colección Sonárbore, “Pakolas” é un libro-CD que recolle na edición 10 novas cancións orixinais e tamén 1 dos contos que engloba o proxecto, e como novidade aporta a colaboración para a súa elaboración co Colexio Profesional de Logopedas de Galicia, co que o autor traballou dende un primeiro momento. Deste traballo conxunto nacen estas cancións pero tamén os contos que as acompañan, xerando unha historia fantástica cunha parábola ou moralexa final, ademais de material complementario pedagóxico ao que se poderá acceder de xeito multimedia, xunto co resto dos contos (un conto por canción). Así tanto estes profesionais logopédicos, como os centros escolares ou os propios lectores, a través dun código BIDI, atoparán materiais adicionais ademais do propio contido do libro.

PAKOLAS5
Ilustración de Laura Romero. “Baldomero o Mero” (Libro-disco Pakolas Ed Galaxia)

Dende o CPLG, “PAKOLAS é unha obra musical e literaria concibida para facilitar o traballo dos profesionais da fala e da linguaxe, achegándonos material que servirá como ferramenta e complemento ao noso labor diario con rapazas e rapaces. Ao mesmo tempo é un traballo divertido, co que tanto nenos e nenas como adultos poderán gozar corando e bailando os seus temas, así como aprendendo coas súas historias e contos”

A ilustración do libro corre a cargo da creatividade de Laura Romero, licenciada en Belas Artes na Universidad de Salamanca, que consegue darlle vida a eses animais protagonistas das cancións e contos fantásticos, a través das imaxes cheas de colorido.

Foto_Pakolas_LauraRomero_
Pakolas xunto coa ilustradora Laura Romero

“Baldomero o Mero”, que da moita importancia aos bens materiais, pero o resto de peixes e a súa amiga sardiña ben que lle demostran o contrario; “Mac Pac”, un pato escocés que se enfronta aos seus problemas cun chef inglés; “O Rato de Xaquín”, que quere establecer amizade cun gato, e porque non?…. Todos eles e moitos mais poderedes atopar nas súas cancións e nos contos que protagonizan, con historias das que APRENDER e GOZAR a ritmo musical e sobre todo, moi rockeiro.

Para escoitar as súas cancións, na súa canle de SoundCloud.

Paco Cerdeira tamén é autor das cancións do primeiro traballo de A Gramola Gominola (Ano 2015), un libro-disco editado por Galaxia na súa colección Sonárbore, e con ilustracións de Lidia V. Cardeiro, e está composto por dez temas en galego. No ano 2017, A Gramola Gominola veñen de editar o seu segundo Libro-disco homónimo, tamén editado por Galaxia, e con ilustración de Iago Araujo, desta vez con 13 temas en galego (tamén ver Páxina web Ilustrador. Libro Gramola Gominola)

” A Gramola Gominola é unha caixa chea de sorpresas, coa que queremos levar a rapazada a unha viaxe pola música moderna. Partiremos do blues, facendo parada no country, rock, pop, punk, reggae, heavy metal, ska…Un paseo polos estilos que os ‘gramolos’ escoitaban cando eran novos… Con todos vós… A Gramola Gominola!” (A Gramola Gominola, 2015) (Editorial Galaxia. A Gramola Gominola)

“A Gramola chega con este segundo traballo cheo de cancións para desafinar. Música desenfadada para bailar a ritmo de rock, funk, gospel ou punk. Porque non hai idades nin barreiras para a música……así que a ROCKEAR!!!!!” (A Gramola Gominola, Cancións para Desafinar, 2017) (Editorial Galaxia. Cancións para Desafinar)

Ademais PaCo Cerdeira conta con numerosas colaboracións, nas que compre destacar nestes últimos anos “A Voz do Vento” (A Mesa) para público xuvenil, no que colabora con guitarra e voz, ou a figura de “Naturizo” a que pon música tamén como colaborador, de Edicións Linteo, que verá a luz no mes de Xuño de 2017.

Podes escoitar algunhas das cancións a través das canles SoundCloud, tanto do autor Pakolas como da banda de música de A Gramola Gominola:

WordPress.com.

Subir ↑