Discografía

ESTREA! Pakolas xa conta co seu segundo traballo  en librodisco editado por Ed. Galaxia na colección Sonárbore. Ramona Órbita, a dona do tempo

Chega Ramona Órbita coa súa máquina cargada de rock and roll, disposta a percorrer os tempos para aprender a protexer a natureza!!! Neste novo libro contaremos e cantaremos con ritmo moi rockeiro a historia de Ramona Órbita, unha muller labrega do Courel, posuidora dunha horta cibernética e unha perfeccionada  máquina do tempo. Así levaranos de viaxe pola Prehistoria, o Medievo, o Renacemento, pola China Imperial, ou mesmo ao futuro, con moitas aventuras, personaxes e peripecias que gustarán por igual á xente miúda e a maiores.

Libro-CD “Ramona Órbita, a dona do tempo”. Galaxia (Nov. 2020)

Pakolas, nome co que se presenta ante o público infantil, da título ao seu primeiro librodisco en solitario.  “Cancións para rockear, para soñar, para non parar de mover o esqueleto e tamén sobre todo, para aprender” . Chega con este novo traballo cantando e contando historias de  animais que serán os protagonistas de moitos historias fantásticas, “Mero o baldomero”, “Xabarín con bombín”, “O Furafollas”, “A Quenlla Madrugadora” , o pato “Mc Pac”, “Arroaz” entre outros.

Pakolas
Libro-CD “Pakolas”. Galaxia (Nov. 2017) e Colexio de Logopedas de Galicia.

Ler mais….

As ilustracións do libros corren a cargo da creatividade de Laura Romero, licenciada en Belas Artes na Universidad de Salamanca

Tamén é autor das cancións do primeiro traballo de A Gramola Gominola (Ano 2015), un libro-disco editado por Galaxia na súa colección Sonárbore, e con ilustracións de Lidia V. Cardeiro, e está composto por dez temas en galego. A Gramola Gominola conta con dous Libro-discos homónimos, tamén editados por Galaxia, e con ilustración de Iago Araujo (Libro Gramola Gominola)

Ademais Paco Cerdeira conta con numerosas colaboracións, nas que compre destacar nestes últimos anos “A Voz do Vento” (A Mesa) para público xuvenil, no que colabora con guitarra e voz, ou a figura de “Naturizo” a que pon música tamén como colaborador, de Edicións Linteo, que verá a luz no mes de Xuño de 2017.

Podes escoitar algunhas das cancións a través das canles SoundCloud, tanto do autor Pakolas como da banda de música de A Gramola Gominola

WordPress.com.

Subir ↑