Festexos

E ti, que festexas hoxe?

Sexa ou non día de festexo, a vida hai que celebrala e sempre con moito rock and roll. En Pakolas atoparás diferentes datas coas que poder festexar e aprender: a música, a lingua, os días mundias nos que reinvindicar, a escola, os libros, as bibliotecas, as nosas científicas, o medio ambiente, a reciclaxe, as nosas tradicións, os xogos, a nosa cultura, e moitos mais….. Vén a descubrilas nas nosas redes sociais!


diadorock2022

A data conmemora o mega concerto benéfico de «Live Aid», que se celebrou no Wembley Stadium de Londres e no John F. Kennedy North American Stadium de Filadelfia en 1985. Participaron as bandas e solistas de rock máis importantes e emblemáticos do momento: Led Zeppelin, The Who, Black Sabbath, Queen, Sting, Judas Priest, Duran Duran, U2, Scorpions, Paul McCartney, Eric Clapton e Phil Collins. FELIZ DÍA DO ROCK!


2022_28xunholgtbi

Queremos un mundo no que as nosas nenas e nenos medren en igualdade, respeto e con amor, moito amor 28 de xuño, Día Mundial do Orgullo


noite cacharelas2022

O 23 de xuño é a Noite de Cacharelas, e o 24 de Xuño o San Xoán. Unhas das festas con mais tradición de Galicia. Facer o cacho das herbas de San Xoán ou saltar a cacharela, un dos festexos que mais nos gusta. Feliz San Xoán! 

CACHOSANXOAN3


2022_mullerenxenehira

O 23 de xuño é o Día da Muller na Enxeñería, así que nós festexámolo con dúas enxeñeiras galegas, Miriam Pena e Edita de Lorenzo. E como este ano 2022 está adicado ás «Inventoras e Innovadoras», incluimos á nosa Ramona Órbita entre estas dúas mullerazas.

-Miriam Pena: enxeñeira informática, é de Bueu e trabaja na compañía de software AdRoll en San Francisco, incluida na lista das 12 enxeñeiras mais importantes de Silicon Valley.

-Edita de Lorenzo, enxeñeira de telecomunicacións, nada en Ourense. En 2009 foi elixida decana da Escola de Enxeñaría de Telecomunicación da Uvigo converténdose na primeira muller en Galicia ao fronte dunha escola de enxeñaría foi a primeira directora galega nunha escola de enxeñería. 

 


diamusica2022

O 21 de xuño é o Día Europeo da Música. «Sen música a vida sería un erro». Música para a vida e para as crianzas, non deixedes de achegarlle esta arte e cultura nas vosas familias. E a rockear!


yellowday3

Sumámonos ao festexo do Día mais feliz de todo o ano, o Yellow Day ou Día Amarelo, pero nós desexamos que sexades moi felices todo o ano, e sobre todo rockeando


lengua signos

Sumámonos ao festexo do Día Nacional da Lingua de Signos. Hai linguas que tamén se debuxan coas mans, e permiten unha inclusión real de toda a poboación. 


diadosoceanos

O 8 de xuño é o Día Mundial dos Océanos. O obxectivo é lembrarnos o papel que teñen na vida cotiá. Eles son os pulmóns do noso planeta e producen a meirande parte do osíxeno que respiramos. Debemos concienciarnos sobre o impacto do ser humano no océano, así que xa sabedes, coidemos moito os nosos mares! 


5xunhodiamedioambiente2022_2

O 5 de Xuño é o Día Mundial do Medio Ambiente. O lema deste ano 2022 é «UNHA SOA TERRA». Non deixedes de axudarlle a Ramona Órbita no seu cometido, SALVAR A NATURA. 
Coidemos o noso planeta, hoxe e sempre.


diadoxogo2022_2

Corre, brinca, ri, imaxina, rockea, gabea, canta, baila e xoga!! Xoga moito!!! O 28 de Maio festexamos o Día Internacional do Xogo, pero xogamos tódolos días, porque ademais é o noso xeito favorito de aprender. O principal obxectivo do día de hoxe é salientar o dereito ao xogo para os nenos e nenas, recollido no artigo 31 da Convención sobre os Dereitos Infantís das Nacións Unidas.


letragalegas2022

O 17 de Maio é o Día das Letras Galegas, e no 2022 festexámolo co homenaxeado Florencio Delgado, e por suposto, rockeando en galego.

EN GALEGO, HOXE E SEMPRE!


diafamilias

Día das Familias, todas diferentes, todas iguais, todas rockeiras.

O 15 de maio celébrase o Día Internacional das Familias, unha celebración que foi establecida polas Nacións Unidas en 1993 co fin de poñer en valor o papel de todas as familias na educación dos nenos dende a infancia .


mulleresmatematicas2

O 12 de maio é o Día Escolar das Matemáticas e tamén o Día Internacional das Mulleres Matemáticas, e a nosa Ramona Órbita, facedora de extraordinario cálculo mental, non podía deixar de festexar con algunhas das Matemáticas Galegas:

  1. Peregrina Quintela Estévez. (Vigo, 1960) é unha profesora e investigadora galega de matemática aplicada, gañadora do Premio María Josefa Wonenburger en 2016, concedido pola Xunta de Galicia
  2. María Josefa Wonenburger. Ela da nome ao premio de Peregrina, (Oleiros, 1927 – A Coruña, 2014) foi unha matemática galega que desenvolveu os seus traballos de investigación nos Estados Unidos e Canadá. Foi a primeira muller española en recibir unha bolsa Fulbright.
  3. María Elena Vázquez Cendón. (Ourense, 1966). Licenciada en Matemáticas pola Universidade de Santiago de Compostela. É profesora de matemática aplicadada na Facultade de Matemáticas da USC, foi vicerreitora da USC, e é decana da Facultade de Matemáticas dende 2017
  4. María Elena Vázquez Abal. (Pontevedra, 1960). Licenciouse en Matemáticas pola Universidade de Santiago de Compostela, onde tamén realizou o seu doutoramento. Dende 2020 é a presidenta da Comisión de Mulleres e Matemáticas da Real Sociedade Matemática Española (RSME)
  5. Victoria Otero Espinar. Licenciada en Matemáticas pola Universidade de Santiago de Compostela (USC), Otero completou a súa formación investigando en centros de Estados Unidos e Francia. Foi decana da Facultade de Matemáticas da USC entre 2009 e 2017

2022_maios

Aí vén o Maio de frores cuberto. No mundo rockeiro de Pakolas non podemos facer pasar festexo, e este vai coa canción composta para o Ferrol de Frores Cuberto! Lembrádela? Aquí a tedes 


diadanai2022

1 de Maio, Feliz día a tódalas nais rockeiras!  


diadolibro2022

O 23 de Abril é o Día do Libro. Os libros fannos imaxinar, soñar, voar, aprender, e tamén ROCKEAR 🤟! Pero sobre todo fannos mais LIBRES! Hoxe e tódolos días, LIBROS A MOREAS! 


postal_1

Sabedes cal é o principal obxetivo de Ramona Órbita? Pois salvar a natura, traballar para conseguirmos un mundo mais ecolóxico e respetuoso coa natureza. 

O 22 de Abril é o Día da Terra! COIDÁDEA MOITO!! 


diadolibroinfantil2022insta2

O 2 de Abril é o Día do Libro Infantil. Libros para soñar, para voar, para viaxar, para aprender, e por suposto para escoitar, con moito rock and roll, como o de Ramona Órbita. Neste ano 2022 festéxase con esta mensaxe de Richard Van Camp

 

ESTREA DA COMEDIA DE PAKOLAS «EN BUSCA DO MAMUT PERDIDO»

2022enganosCINE9

Sentimos comunicar que as butacas xa están esgotadas, pero…. como non pode quedar día sen festexar, que teña vostede un FELIZ DÍA DOS ENGANOS E DAS BROMAS. Lembre sempre que o «1 de Abril van os burros onde non deben ir»

diaenganosburroface

Vémonos nos cines, ups, nos escenarios rockeiros do país, hu, hu, hu! Falando de grellas, mamuts, churrasco e festa, non esquezan poñerlle banda sonora ao día con Manolo Cavernario


diamatematicas2

En novembro de 2019, a UNESCO declarou o 14 de marzo como Día Internacional das Matemáticas. En moitos países xa se celebraba como o día do número Pi (si, o afamado 3.141592653589……) que redondeado a dúas cifras decimais é 3,14 e coincide co formato desta data no mundo anglosaxón (3/14)

As matemáticas xogan un papel crucial na busca de solucións aos desafíos actuais como o cambio climático e o desenvolvemento sostible, preocupacións da nosa Ramona Órbita.


8m2022_FACE

8 de Marzo é o Día da Muller. Ramona Órbita tamén se suma ás reinvidicacións deste día, tan necesarias. Festexámolos avances pero pedimos cambios para as que están e as que virán. Así que hoxe a nosa inventora e científica favorita colle chave en man, e para a engranaxe mundial.

«PARAMOS TODAS, PARA O MUNDO»


20220223_rosalia_face

O 23 de Febreiro festexamos polo país adiante o Día de Rosalía, fixado no Calendario do Libro e da Lectura como aniversario do nacemento da nosa autora mais universal, Rosalía de Castro. «Agasalla un libro en galego e unha flor», campaña que promove a AELG dende 2010. Dende Pakolas e como particular homenaxe, deixamos por aquí a Rosalía escoitando unha boa canción rockeira en galego, e xa que estamos, propoñemos un LIBRO-CD, que os hai ben xeitosos onde escoller, coma o de Ramona Órbita


linguanai2022_2

O  21 de Febreiro é o día da LINGUA NAI, e nós como xa sabedes, LUCÍMOLA EN GALEGO. Rockeamos, xogamos, contamos, cantamos e falamos en galego!


1302diadaradio

O 13 de febreiro é o Día Mundial da Radio, e non se nos ocorre mellor xeito de festexalo que sintonizando a Radio Galega e escoitando a entrevista que levou a Uxía Lambona e Pakolas ata as ondas da A Tarde, con Raquel Rosa. Deixámola dispoñible aquí


diadanenaciencia2022face

O 11 de Febreiro, e cada día, reinvindicamos o recoñecemento da muller e da nena na ciencia! Xa sabedes que por aquí Ramona Órbita é labrega, pero tamén é unha tola das ciencias, resolve ecuacións, ten unha memoria matemática incrible, e o que é mellor, fai uns inventos extraordinarios. 


diadacandeloriafacebook2022

“A partir da candeloria, ningunha ave voa soa”, di o refrán para lembrarnos que o 2 de febreiro festexamos na cultura popular unha celebración ben especial, xa que casan os paxariños, comeza o retorno das aves migratorias e os cortexos preludian a vindeira chegada da primavera


diadaeducacion24ene2

O 24 de Xaneiro festexamos o Día Internacional da Educación. Por unha educación de calidade para todas, porque é a base dunha sociedade xusta e igualitaria. E hoxe mais que nunca en tempos de pandemia compre lembralo.


usuario biblioteca2

O 11 de Xaneiro comezamos a festexar as datas do Calendario do Libro e a Lectura do 2022 en Galicia, co Día das Usuarias das Bibliotecas. Sen nós como demandantes de libros e de contos, de música, de actividades,….. as bibliotecas non terían a súa razón principal de ser. Así que non esquezades visitar as bibliotecas para sumerxirvos nun marabilloso mundo de lecturas e divertimento.


reismagos20226 de Xaneiro, Feliz Noite de Reis!


feliz2022

O 31 de decembro despedimos o 2021, e damos benvida a un novo ano 2022 moi rockeiro. 


apalpador2021_4En Pakolas festexamos as tradicións do noso! Viva o Apalpador (rockeiro)!


encendemosnadal

8 de decembro e encendemos o noso modesto Nadal Rockeiro!. Esperamos que vos guste e que veñades rockear


discapacidad2021

O 3 de Decembro é o Día Mundial das Persoas con Discapacidade, así que sumamos apoio á campaña de #GaliciaDiversa e abrimos o paraugas por todas , porque todas estamos (ou deberíamos estar) baixo o mesmo paraugas! Por unha sociedade respetuosa, inclusiva e igualitaria, coas discapacidades e coas capacidades diversas.


diadomestre2021

Feliz día das mestras e dos mestres! O 27 de Novembro festexamos ás persoas que coa vosa profesión e vocación ensinades aos nosos nenos e nenas! Vai por vós, con todo o agarimo!


25N2021x4
#25N. Hoxe e cada día do ano reinvidicamos un mundo libre de violencia cara as mulleres, cara as súas fillas e fillos e familia. Por elas, polos nosos nenos e nenas, e por todas e todos nós, queremos medrar nunha sociedade na que vivamos en igualdade e en paz.

DIAMUSICO20216_fin

O 22 de Novembro e sempre, viva a música e as músicas e músicos. Podedes escoitar moitas das cancións de Pakolas eiquí


2021diainfancia2

A infancia ten dereitos, RESPETÉMOLOS! Celébramos hoxe a nivel mundial o seu día, para facer un chamamento sobre as necesidades dos mais peques, un dos colectivos mais vulnerables. Vai adicado a todas vós, NENOS E NENAS, sodes o noso presente e o noso futuro. Sede moi felices! E a rockear!!!!


sanmartino10

«Polo San Martiño, peóns ao camiño!» No 11 de Novembro aquí vai a nosa particular homenaxe ao refraneiro galego. 

Como di o refraneiro popular, “polo San Martiño, trompos ao camiño” e “polo San Amaro, trompos ao faiado”, o que quere dicir que o trompo ou peón se xoga tipicamente nesta época do ano, entre o 11 de novembro e o 15 de xaneiro. Un xogo popular e unha data que da comezo aos festexos de Magosto, con gran tradición en diferentes lugares do país como Ourense, Teo, Moaña, etc


inventoras5

Cada 9 de Novembro festexáse a nivel internacional o #díadosinventores, unha data que se elixiu en honor á actriz, enxeñeira e inventora austriaca Hedy Lamarr, e creadora do espectro ensanchado. Neste ano 2021 quérese festexar especialmente a todas aquelas mulleres excepcionales que contribuiron á sociedade coas súas creacións, como Marie Curie, Mary Anderson, Martha Coston, Sarah Mather, Gertrude Bell Elion, Tabitha Babbitt, e por suposto ás galegas, como Ángela Ruíz Robles.

Nós tiñamos que facerlle a nosa particular homenaxe a Ramona Órbita e o seu súper inventazo, a súa máquina do tempo, coa que disfrutamos viaxando dende a prehistoria ata o futuro. Vivan as inventoras!!!


diadacienciaengalego

TIME, o amigo robot da nosa científica Ramona Órbita, vén neste 4 de Novembro para lembrarnos que festexamos o Día da Ciencia en Galego. Porque a física, as matemáticas, a astronomía, a física, a química, e toda a ciencia tamén poden estudiarse en #galego. Novembro, Mes da Ciencia en Galego


diadolector

O 3 de Novembro festexamos unha efeméride incluida por primera vez neste ano 2021 dentro do Calendario do Libro e da Lectura de Galicia, o Día da Lectora, coincidindo co data de nacemento de Xosé Neira Vilas. FELIZ DÍA LECTORAS!


collagesamain5_FONDOLETRAS

O 31 de outubro en toda Galicia festexamos o Samaín! Feliz Noite de Samáin! Tamén podedes ver o noso bookface para este festexo tan sinalado. Uahahahahahahahahahahaha!! 


diadasbibliotecas3

O 24 de outubro conmemórase o Día das Bibliotecas, non deixedes de axexar polas estanterías das nosas bibliotecas porque de seguro atoparedes a porta a mundos cheos de aventuras e tamén moito rock and roll, como o da nosa Ramona Órbita


diadasescritoras3

O 18 de outubro conmemórase o Día das Escritoras, data proposta pola Biblioteca Nacional de España, para facer visible o traballo das mulleres na literatura e combatir a discriminación que tamén sufren neste campo. En Pakolas festexámolo con parte da biblioteca da que gozamos na casa, con moitas escritoras galegas, e as que virán: María Solar, Eva Mejuto, María Canosa, Pilar Grande, Paula Carballeira, Ledicia Costas, Iria Collazo, Alba de Evan, Anair Rodríguez e Antía Yañez. FELIZ DÍA DAS ESCRITORAS, EN ESPECIAL DAS GALEGAS!


diamullerural2_fondoblanco

O 15 de outubro conmemórase cada ano o Día Internacional da Muller Rural, e non podemos deixar de festexalo con todas as mulleres do rural galego, incluida como non a nosa Ramona Órbita


dia-da-nena3

O 11 de outubro conmemórase cada ano o Día Internacional da Nena, proclamado pola ONU en 2012, co obxectivo de concienciar a toda a poboación  sobre os desafíos que teñen que superar cada día as nenas so polo seu xénero.

LOITEMOS POR UN DÍA NO QUE AS NENAS PODAN FOTOGRAFIAR MUNDOS LIBRES DE OBSTÁCULOS


SETEMBRO

1

 

diaeuropeolinguasface

 

OUTUBRO

1005_diadocente

 

NOVEMBRO

diadoneno4

NOVEMBRO2

NOVEMBRO3

 

MAIO 2021

may3

 

XUÑO

xuñ1

xuñ4

XULLO

xull1

 


Web construida con WordPress.com.

Subir ↑